Vi opplever dagleg å bli kontakta av forbrukarar som har fått problem med handel i nettbutikkar eller på utanlandsturar. For det er ikkje alltid lett å vite kva reglar som gjeld for byte, retur og reklamasjon i det landa du har kjøpt vara din i.
Forbruker Europa er ein del av eit nettverk saman med 29 andre land i EU og EØS. Dette gir oss ei unik moglegheit til å bidra med råd og mekle i saker som er vanskeleg å løyse på eiga hand.
Har du problem med ein handel? Er ikkje du og seljar einig? Vi anbefaler alltid at du kontaktar oss gjennom kontaktskjemaet vårt her på nettsidene våre.
I kontaktskjemaet vil du bli bedt om å forklare saka, og legge med dokumentasjon som viser kvifor du har rett. Ved å legge inn desse detaljane med ein gong vil det bli lettare for oss å hjelpe deg å løyse saka di.
Du kan òg kontakte oss via telefon viss du har spørsmål eller treng råd.
Vår telefon har open kvar onsdag mellom 10.00-14.00.